Piyrwyj nóm przez jakiś czos
Gwary zakozali
Nie przesadzóm starych drzew
Bo my sie nie dali
Teroz idzie sie już czuć
Jak u siebie w dóma
Nos ratuje wsólny śpiyw
Tak powiado oma
Ref.: Za naszych przodków na tyj ziymi
Powstało to nasze godanie
A co przeżyje jeszcze wieki
To śląskie granie i śpiywanie
Już jest znak, że ni ma źle
Bajtle tyż śpiywajóm
Tata z mamóm chycóm tón
Dobry przikład dajóm
I to nic że biyda jest
Problemów łod gróma
Nos ratuje wspólny śpiyw
Tak powiado oma
Śląsk istnieje setki lot
I tradycje mómy
Dlo nos zaszczyt krzewić je
Jak nie bydzie omy
Z tego Ślązok dumny jest
W robocie i w dóma
Fto się na tym lepij zno
Jak niy nasza oma