W konia się wiyncyj nie dóm robić
Niech mi na pukiel skoczy władza
Jo bez ich łaski i bez bata
Radzić se musza i se radza
Jednak jak w innym mądrym kraju
Ftoś czimie stery jak przistało
Jo już nie prosza ło nic wiyncyj
Niech by się władzy rządzić chciało
Skuli tyż tego dołech pozór
Jak żech był kryślić we wybory
Wybrołech chłopa na mój rozum
Bo mi się zdowoł nojmij chory
A łón durś słepie bez umiaru
Dziołchóm tyż pszaje mimo wieku
Piosek z rękowa mu się suje
I zrób tu dobrze coś człowieku
REF: Zanim pychol kaś łotworza
Pójda radzić się faroża
Zanim pychol kaś łotworza
To zapytom się
Mądry nie ciśnie się do władzy
Bo na urzędzie wszyscy chorzi
Zaś nędza z biydóm dno urwały
Miało być lepij a jest gorzij
Ino skąd wiedzieć co jest dobre
Kaj tego złego jest prziczyna
Komu tu trzeba przyfandzolić
żeby nie skończyć zaś w malinach